प्रधानमन्त्रीले बोलाए सर्वदलीय बैठक
।
सरकारले सोमबार आगामी बैशाख ३१ गते स्थानीय निर्वाचन गर्ने घोषणा गरेपछि सरकारको निर्णयको स्वागत र विरोधमा आवाज उठेका छन्। प्रमुख प्रतिपक्ष एमालेले सरकारको निर्णयको स्वागत गरेको छ भने सरकारलाई बाहिरै बसेर समर्थन गरेको संयुक्त लोकतान्त्रिक मधेसी मोर्चाले निर्वाचन घोषणाको विरोधमा आन्दोलनका कार्यक्रम नै सार्वजनिक गरेको छ।
सरकारको निर्णय विरोध र समर्थनमा दलहरु प्रस्तुत भएपछि प्रधानमन्त्रीले सो विषयमा छलफल गर्न सर्वदलीय बैठक बोलाएका हुन्। बैठक मंगलबार दिउँसो तीन बजे संसद भवन नयाँ बानेश्वरमा बस्ने छ। बैठकमा सरकारले घोषणा गरेको निर्वाचनको मिति र संविधान संशोधन लगायतका विषयमा छलफल हुने बताइएको छ।
0 comments
प्रतिकृया दिनुहोस