»
ओलीको सहमतिमा संशोधन प्रस्ताव टेबल गरेको प्रधानमन्त्रीको खुलासा
ओलीको सहमतिमा संशोधन प्रस्ताव टेबल गरेको प्रधानमन्त्रीको खुलासा
काठमाडौं–प्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहाल प्रचण्डले एमालेको सहमतिमै संविधान संशोधन प्रस्ताव संसदमा पेश भएको बताएका छन् ।
प्रधानमन्त्री दाहालले एमाले अध्यक्ष केपी ओलीसँग सहमति लिएरै आईताबार संसदमा संविधान संशोधन प्रस्ताव पेश गरिएको खुलासा गरेका हुन् ।
उनले चितवनको भरतपुर विमानस्थलमा संचारकर्मीसँग कुरा गर्दै जबरजस्ती संसदमा संविधान संशोधन प्रस्ताव पेश गरिएको भन्ने कुरामा सत्यता नरहेको दावी गरे । प्रधानमन्त्री दाहालले एमाले अध्यक्ष ओलीसँग एक घण्टा लामो छलफल पछि बिरोध गरेजस्तो गर्दै संविधान संशोधन प्रस्ताव पेश गर्ने सहमति भएको पनि उल्लेख गरे ।
प्रधानमन्त्री दाहालले एमालेसहितका विपक्ष दलको सहमतिमा संविधान संशोधन प्रस्ताव पारित हुने विश्वास पनि व्यक्त गरे । उनले निर्वाचनमा जाने गरी अघि बढन आफू प्रयासरत रहेको दावी पनि गरे ।
प्रधानमन्त्री दाहालले संविधान कार्यान्वयनका लागि विपक्ष एमालेसँग असहमतिका बीच सहमति गर्दै जाने समझदारी बनेको पनि स्पष्ट पारे ।
प्रधानमन्त्री दाहालले आफू विकास निर्माणको काममा केन्द्रित भएर देश दौडाहामा निस्केको पनि बताए ।
प्रधानमन्त्री दाहालले आफूले पाएको जिम्मेवारी पुरा नगरी सरकार नछाडने पनि बताए ।
Labels:
0 comments
प्रतिकृया दिनुहोस