रोनी म्यानचेस्टरको सर्वाधिक गोलकर्ता
उनले यसअघि क्लबका लागि सर्वाधिक गोल गर्ने सर बबी चाल्र्टनको कीर्तिमानलाई उछिन्दै २ सय ५० गोल पुरा गरेका हुन्। उनी २००४ मा १८ वर्षको उमेरमा इभर्टनबाट म्यानचेस्टर युनाइटेडमा आवद्ध भएका थिए। ३१ वर्षको उमेरमा ५ सय ४६ खेल खेल्ने क्रममा रोनी क्लबका सर्वाधिक गोलकर्ता बनेका हुन्।
उनले २०१५ मा चाल्र्टनको इङ्ल्यान्डबाट अन्तर्राष्ट्रिय फुटबलमा सर्वाधिक गोल गर्ने कीर्तिमानलाई पनि भंग गरेका थिए। रोनीले १ सय ८० गोल प्रिमियर लिगमा गरेका छन्। ३९ गोल भने युरोपेली प्रतियोगितामा हो। उनले १ सय ३६ गोल घरेलु मैदानमा र १ सय ६ गोल अरुको मैदान र ८ गोल न्युट्रल मैदानमा गरेका छन्।
उनले १ सय ९३ गोल दाहिने खुट्टा, २७ गोल देब्रे खुट्टा र ३० गोल टाउकोले गरेका छन्।
0 comments
प्रतिकृया दिनुहोस