रेलवे लाइनको रुट परिवर्तनका लागि पहल गर्छु : प्रधानमन्त्री
काठमाडौं – प्रधानमन्त्री पुष्पकमल दाहाल ‘प्रचण्ड’ले जयनगर–जनकपुर रेल मार्गको बिजुलपुरा, बर्दिबास खण्डको रेलवे लाइनको रुट परिवर्तनका लागि आफूले पहल गर्ने बताएका छन् । शुक्रबार धनुषा क्षेत्र नं ७ को सर्वदलीय प्रतिनिधि मण्डलसँगको भेटमा प्रधानमन्त्रीले उक्त कुरा बताएका हुन् ।
सो क्रममा प्रधानमन्त्रीले भने, ‘तपाईहरुको ज्ञापनपत्र हेरें, यसभन्दा अघि पनि यस्तै ज्ञापन पत्र मेरा हातमा परेको छ । रेलवे लाइन बिस्तार गर्दा साविकका बस्ती बिस्थापित हुन्छन् र मुआब्जा पनि बढ्छ भने त्यसको बैकल्पिक उपाय खोज्नु राम्रो हुन्छ । त्यसका लागि भौतिक योजना तथा निर्माण मन्त्रालय र रेलवे विभागका प्रतिनिधिहरुलाई बोलाएर कुरा गर्छु, आवश्यक परे भारतीय रेलवे विभागसँग पनि समन्वय गरेर समस्या समाधानका लागि पहल हुनेछ ।’
0 comments
प्रतिकृया दिनुहोस