'पैसा कमाउन वा सर्वोत्कृष्ट अभिनेता हुन फिल्ममा आएको होइन'
उनको 'काबिल' फिल्म यसै साता रिलिज हुँदैछ। फिल्म रिलिज हुन केही दिन बाँकी रहँदा उनले आफू फिल्म क्षेत्रमा पैसा कमाउने उदेश्य वा सर्वोत्कृष्ट अभिनेता हुने लक्ष्य राखेर नआएको बताए
उनले विभिन्न खाले भूमिकाबाट आफूलाई चुनौती दिन रूचाउने गरेको बताउँदै भने, 'म यहाँ पैसा कमाउन आएको हैन्। पैसा फरक कुरा हो। म यहाँ संसारकै सर्वोत्कृष्ट अभिनेता बन्न पनि आएको होइन। म आफैमा खुशी हुन यहाँ आएको हुँ। यहाँ अभिनेताका रूपमा जीवन रमाउन मात्र आएको नभई एउटा बाबु, एउटा साथी र स्वयम व्यक्तिका रूपमा दुनियाँको हिस्सा समेत बन्न आएको हूँ।'
'काबिल' फिल्मले एक दृष्टिबिहिन जोडीको प्रेमकथा भन्छ। यसको साथमा फिल्मले एउटा मान्छे किन कोहीसँग बदला लिन बाध्य हुन्छ भन्ने कुरा देखाइनेछ। फिल्म २५ जनवरीमा रिलिज हुँदैछ।
0 comments
प्रतिकृया दिनुहोस